PODUJEVË: Nesër mbyllet terminali doganor në Merdar

Dhjetëra pronarë të agjencive doganore bashkë edhe me pronarë të disa bizneseve të Komunës së Podujevës kanë protestuar të premten kundër mbylljes së terminalit doganor në Merdar.

Ata kanë thënë se mbyllja e këtij terminali dëmton këto agjenci dhe bizneset e Komunës, pasi që për çdo zhdoganim duhet ta bartin mallin në terminalet nëpër komunat tjera e pastaj ta kthejnë sërish në Podujevë.

Sipas tyre, kjo u shkakton shpenzime shtesë këtyre bizneseve.

Kjo protestë u bë pasi Terminalit Doganor “Diana” do t’i përfundoj licenca dhe do të tërheqet stafi meqë ndalet operimi zyrtar.

Njoftimi bizneseve u erdhi nga Dogana e Kosovës. Më 17.06.2022 Terminalit Doganor “Diana” sh.p.k do t’i përfundojë liçenca.