PODUJEVË: Mbahet Panairi Tradicional “Mjalti i Llapit” (Foto)

Komuna e Podujevës në bashkëpunim me shoqatat e bletarëve llapjanë, organizon Panairin tradicional “Mjalti i Llapit”, njofton PodujevaPRESS.com

Panairi është hapur sot, më 19 tetor 2018, në ora 11:00 në Sheshin e Qytetit në Podujevë dhe zgjat dy ditë (19 dhe 20 tetor).

Hapjen e panairit e ka bërë kryetari i Komunës së Podujevës i cili ka thënë se: “përmes Panairit tradicional “Mjalti i Llapit” bletarët llapjanë po kurorëzojnë një vit të bereqetshëm për nga rendimenti, por edhe të suksesshëm për nga përkrahja jonë. 
Mbështetjen institucionale për bletarët do ta vazhdojmë edhe në të ardhmen, duke u ndihmuar në rritjen e numrit të shoqërive të bletëve dhe duke iu mundësuar kushte më të mira për punë”