Podujevë: Kuvendi miratoi Propozim-vendimin për caktimin e lokacionit për ndërtimin e një çerdheje të re

Kuvendi i Komunës së Podujevës ka mbajtur mbledhjen e rregullt, të cilën e udhëhoqi Kryesuesi, Hilmi Hoxha, e ku e pranishme ishte Nënkryetarja e Komunës, Marigona Lahu, drejtorë të drejtorive, përfaqësues të KFOR-it, përfaqësues të OSBE-së dhe media.

Para se të miratohej rendi i ditës, pika e gjashtë “Kërkesë/Propozim për anulimin e Vendimit të Kuvendit të Komunës nr. Prot. 01-350/01-0050259/24 për inicimin e procedurave për hartimin e Planit Rregullues të Hollësishëm në Pjesën e Poshtme të Qendrës 2 Lindje – Blloku 1”, me kërkesë të drejtorit për Planifikim Urban dhe Mbrojtje të Mjedisit, Liridon Gashi, kaloi si pikë e parë.

Gjatë kësaj mbledhje u miratuan këto pika të rendit të ditës;

1. Kërkesë/Propozim për anulimin e Vendimit të Kuvendit të Komunës nr. Prot. 01-350/01-0050259/24 për inicimin e procedurave për hartimin e Planit Rregullues të Hollësishëm në Pjesën e Poshtme të Qendrës 2 Lindje – Blloku 1;

2. Draft – Plani i Mobilitetit të Qëndrushëm Urban të Komunës së Podujevës për vitin 2025-2029;

3. Raporti i punës së Kuvendit të Komunës së Podujevës për vitin 2024;

Ndërsa te pika e katërt “Raporti vjetor për vitin 2024 i Ndërmarrjes Publike Lokale “Eko-Llapi” Sh.A. Podujevë”, pasi që u paraqit nga anëtari i Komisionit të aksionari, Burim Hasani, kur filloi diskutimi për këtë pikë, mbledhja u ndërpre nga kryesuesi i Kuvendit për shkak të mungesës së kuorumit.