PODUJEVË: Kuvendi i Komunës mban seancë të jashtëzakonshme të premten (Dokument)

Dy partitë opozitare, VV dhe PDK në Podujevë, kanë mbledhur 14 nënshkrime për thirrjen e senacës së jashtëzakonshme të Kuvendit Komunal, transmeton PodujevaPRESS.com

Në letrën të cilën e ka parë PodujevaPRESS, thuhet se;”kërkojmë nga kryesuesi i Kuvendit Komunal Fatmir Gashi që për shkak të vërshimeve, që kanë shkaktuar dëme materiale, në prona dhe vështirësi të lëvizjes të lëvizjes së qytetarëve, të thërras Mbledhje të jashtëzakonshme të Kuvendit për shqyrtimin e kësaj çështje“, përfundon kërkesa me nëshkrimet e asambleistëve të këtyre dy subjekteve.

Pas kërkesës, kryesuesi i Kuvendit Komunal Fatmir Gashi ka thirrur seancë të Jashtëzakonshme për datën 09 mars 2018, duke filluar nga ora 10:00, me të vetmen pikë të rendit të ditës: “diskutim mbi gjendjen në komunën e Podujevës pas vërshimeve”. /PodujevaPRESS.com/