Podujevë: I dyshuari u paraqit fillimisht si dëshmitar që e gjeti imamin te gjakosur, mirëpo ja se për çka po e heton Policia rastin

A, B. dhe Sh. M. janë tre vëllezërit të cilët po dyshohet se e rrahën mbrëmë imamin, Zeqir Berisha nga Lupçi i Podujevës,

Siç mëson Insajderi, A. M. ishte paraqitur në polici fillimisht si dëshmitar, i cili kinse e gjeti të gjakosur hoxhën dhe të shtrirë në tokë.

Gjendjen shëndetësore sipas burimeve të Insajderit imami e kishte të rënduar dhe pa vetëdije.

Imami ka lëndime në kokë dhe në dorën e djathtë ku dyshohet se janë përdorur edhe mjete të forta, fillimisht ka pranuar tretman në QKMF në Podujevë e më pas është transferuar në QKUK.

Rreth orës 02:45 imami i është nënshtruar edhe një operacioni, thanë këto burime për Insajderin.

Rrahja e imamit llapjan për të cilin policia ishte lajmëruar tash e disa javë, Insajderi zbulon emrat e të dyshuarve

Të tre të dyshuarit janë intervistuar nga Policia e Kosovës rasti është cilësuar si “lëndim i rëndë trupor”.