Podujevë: “Gabimet” e komisionerëve në formularë, shumë vendvotime shkojnë në rinumrim

Komisioni Qendror i Zgjedhjeve ka filluar publikimin e kopjeve të skanuara të Formularëve të Rezultateve të subjekteve politike të Zgjedhjeve për Kryetarë të Komunave dhe të Zgjedhjeve për Kuvende Komunale, të cilat u mbajtën më 17 tetor, njofton portali PodujevaPRESS.net

Sipas procedurave, këta formularë skanohen në Qendrën e Numërimit dhe të Rezultateve dhe pastaj ngarkohen në ueb faqe të KQZ-së.

Ndërsa Komisioni Qendror i Zgjedhjeve mori vendim për certifikimin e rezultateve përfundimtare të raundit të parë të Zgjedhjeve për Kryetarë të Komunave, por pa Podujevën, për shkak se ka shumë parregullësi.

Sot ka filluar rinumërimi edhe i 19 vendvotimeve të Podujevës.

Zëdhënësi i KQZ-së, Valmir Elezi, ka thënë se Komisioni Qendror i Zgjedhjeve ka vendosur që t’i dërgojë në rinumërim këto vendvotime pasi ka mospërputhje të votave të subjekteve politike me ato të kandidatëve dhe anasjelltas.

Ne si redaksi kemi shikuar formularët e 111 vendvotimeve të Podujevës e ku kemi vërejtur shumë gabime të bëra nga komisionerët gjatë mbushjes së formularëve. Ata në shumë raste pasi që kanë shkruar një numër e kanë fshirë atë ose e kanë përmirësuar.

E kjo ka bërë që shumë kandidat për asamble nga të gjitha subjektet politike në Podujevë të shfaqin dyshime se ato mund tu jenë bërë me qëllim.

Kjo vjen pasi që brenda subjekteve politke ka shumë kandidat që për një vote ose dy vota mund të mbesin jasht asamblesë komunale. Prandaj edhe po kërkojnë rinumrim të votave.

Më posht keni vetëm disa raste të gabimeve nëpër forumularë: