Podujevë: Dikur akuzonin LDK-në, mirëpo as pushteti i VV-së nuk po arrinë të bëjë zgjidhje, tregtarët në rrugë |PAMJE

Dikur partitë opozitare tani në pushet VV dhe PDK akuzonin Lidhjen Demokratike dhe Agim Veliun se po i lë tregtarët në rrugë, ishin këto akuzat thuajse të përditshme të asaj kohe, por tani kur po bëhen gati dy vite qeverisje të Vetëvendosjes në Podujevë me kryetar Shpejtim Bulliqin, ky problem ka mbetur i njëjtë, transmeton PodujevaPRESS.net

Tregu i gjelbër i Podujevës vazhdon të mbetet i zbrazët. Ndërkohë që shitësit e pemëve dhe perimeve i zënë trotuaret e rrugët me mallra të tyre. Poashtu rruga “Afrim Zhitia” dhe disa rrugë përreth thujse janë të bllokuara nga shitësit.

Komunarët e Podujevës kanë dështuar të realizojnë premtimin e dhënë se “të gjithë shitësit e rrugëve do të vendosen në tregun e ri në muajin maj të vitit 2017”. Prej atëherë kanë kaluar shumë vite dhe asnjë ndryshim nuk ka ndodhur: shitësit janë në rrugë e tregu i zbrazët.

Komuna e Podujevës nuk e ka mbajtur premtimin, Tregu i Gjelbër rrinë i mbyllur ndërsa ushqimet shiten rrugëve. Ky lloj i zhvillimit të biznesit mund të jetë me rrezik për kosnumatorët nga rrezkiu i ekspozimit të produkteve në prani të gazërave që lirojnë automjetet dhe nga pluhuri i rrugës.

Këto pamje që nuk flasin për rend dhe qetësi për banorët e qendrës dhe ata që frekuentojnë qytetin.