Podujeva shtyn kushtëzimin e nxjerrjes së dokumenteve me faturat e bërllokut për kaq muaj

Zyrtarët komunalë të Podujevës e kanë shtyrë për gjashtë muaj zbatimin e një dokumenti që i kushtëzon qytetarët për nxjerrjen e dokumenteve komunale me pagesën e faturave të bërllokut.

Megjithëse është miratuar në muajin tetor dhe parashihej të zbatohej prej 1 janarit, komunarët kanë vendosur që ta shtyjnë këtë afat deri më 1 korrik 2020, shkruan sot “Koha Ditore”. Me këtë datë pritet që faturimin për mbeturina ta marrë Komuna e Podujevës.

Ndërkohë që deri atëherë Kompania Rajonale e Mbeturinave (KRM) “Pastrimi” do të vazhdojë të mbledhë mjetet e këtyre faturave.

Zëdhënësi i Komunës së Podujevës, Nazmi Elezi, ka thënë se kanë mbetur edhe disa punë teknike para se kjo çështje t’i kalojë Komunës.

(Artikullin e plotë mund ta lexoni sot në “Koha Ditore”)