Podujeva rënditet e dyta me numrin e të papunëve të regjistruar sipas Agjencisë së Punësimit

Sipas zyrtarëve të Agjencisë së Punësimit ka rënie në regjistrimin e punëkërkuesve në këto komuna. Kryeqyteti është i pari edhe këtu me 7148, pastaj Podujeva 4498, Fushë-Kosova 2099, Obiliq 1773 dhe Graçanicë 1497. Në tabelën e dërguar ku janë shënimet e punëkërkuesve të regjistruar prej janarit të vitit 2000 e deri më 31 dhjetor 2017, janë 17015 punëkërkues në këto pesë komuna. Prej tyre 7740 femra dhe 9275 meshkuj.

Zyrtarët e Agjencisë së Punësimit thonë se mund të ketë numër edhe më të madh të të papunëve, por që nuk janë regjistruar në zyrat e punësimit, shkruan Koha Ditore.