Podujeva redukton orarin e punës së subjekteve afariste dhe administratës komunale

Nënkryetari i Komunës së Podujevës, Nexhmi Rudari, ka marrë vendim, me të cilën është reduktuar orari i punës së subjekteve afariste dhe po ashtu administratës komunale.

Sipas këtij vendimi, për të gjitha subjektet afariste ushqimore dhe tregtarët tjerë të kësaj lëmie që operojnë në territorin e Komunës së Podujevës, u caktohet orari i punës prej orës 08:00 deri 20:00.

“Ofrimi i shërbimit të konsumatorëve bëhet duke respektuar rregullat dhe masat e marra nga Qeveria e Republikës së Kosvës, me theks (hyrja dhe qëndrimi i konsumatorëve në lokale afariste me rastin e furnizimit me produkte ushqimore të reduktohet në masë, sa më shumë që të jetë e mundur). Për operim në ditën e dielë vlejnë dispozitat e Rregullores komunale, për orarin e punës së bizneseve në Komunën e Podujevës”, thuhet në vendim.

Tutje janë obliguar drejtorët e drejtorive të bëjnë redutimin në veprimet esenciale dhe staf esencial në kuadër të administratës së komunës, përveç personelit shëndetësor dhe inspektoratit komunal, si masë preventive ndaj infeksionit Coronavirues COVID-19.

“Zyrtarët komunalë që lirohen sipas këtij vendimi obligohen që në raste të domosdoshme, varësisht situatës së krijuar të paraqiten në vendin e punës.

Orari i punës i administratës së komunës reduktohet dhe do të jetë nga ora 08:00-13:00. Për zbatimin/implementimin e këtij vendimi kujdesen drejtorët e drejtorive të komunës dhe Zyra e personelit”.

Ky vendim, sipas zyrtarëve komunalë, është në pajtim me vendimet e Qeverisë së Republikës së Kosovës lidhur me pandeminë e shkaktuar nga coronavirus COVID-19 dhe i njëjti mbetet në fuqi deri në një vendim tjetër.

i këtij vendimi do të konsiderohet si shkelje e dispozitave ligjore dhe vendimeve përkatëse të Qeverisë së Republikës së Kosovës dhe do të merren masa ndëshkuese nga organet kompetente. Vendimi hyn në fuqi menjëherë dhe ka fuqi juridike deri në një vendim tjetër”, përfundon vendimi.

Komuna e Podujevës është bërë e katërta në Kosovë me të prekur nga virusi COVID-19. Fshati Dumnicë e Epërme, prej nga vjen 62-vjeçari i diagnistikuar me kët virus është futur sot në karantinë. Zyrtarët komunalë kanë thënë mbrëmjen e së dielës, se kompania e kontraktuar ka shkuar për të dezinfektuar shtëpitë në lagjen prej nga vjen i prekuri me koronavirus. Por, famijarët i kanë thënë Kohës se vetëm shtëpia e tyre është dezinfektuar të dielën, edhe pse ata kishin insistuar që kjo të bëhet të paktën në 5 shtëpitë që janë afër.