Podujeva në zonën e verdhë, Shpejtim Bulliqi ka një lutje për qytetarët

Mbrëm ka dalë nga zona e kuqe Komuna e Podujevës, ndërsa kryetari Shpejtim Bulliqi ka thënë se me këtë, hiqet edhe kufizimi i lëvizjes së qytetarëve.

Bulliqi përmes një postimi në Facebook ka lutur qytetarët që të vazhdojnë t’i respektojnë masat e vendosura nga Instituti Kombëtar i Shëndetësisë Publike.

“Ministria e Shëndetësisë ka bërë kategorizimin e ri të komunave, sipas numrit të personave të infektuar me coronavirus. Pas rënies së numrit të të infektuarve në komunën tonë, me vendimin e ri të Ministrisë së Shëndetësisë, Komuna e Podujevës është larguar nga zona e kuqe, duke kaluar kështu në zonën e verdhë. Me këtë (kalimin në zonën e verdhë) hiqet kufizimi i lëvizjes së qytetarëve. Ju lusim të vazhdoni të respektoni masat e vendosura nga Instituti Kombëtar i Shëndetësisë Publike! Mbani maskën! Mbani distancën! Mbani higjienën!”, ka shkruar Bulliqi.