Podujeva blen autoambulancë 60 mijë euro kurse Mamusha 30 mijë euro

Akuza të shumta për vjedhje e korrupsion kanë adresuar këshilltarët komunalë në drejtim të ekzekutivit të Podujevës kur kanë diskutuar për raportin financiar nëntëmujor janar-shtator 2020.

E kanë quajtur edhe “vjedhje me jaka të bardha” duke iu referuar zyrtarëve komunalë kur kanë shpalosur gjetjet e tyre, raporton PodujevaPRESS.net

Asambleisti nga radhët e Lëvizjes Vetëvendsje në Podujevë Avni Fetahu e ka akuzuar ekzekutiin e Podujevës se kanë blerë autoambulancë me çmim prej 60 mijë euro, kurse një ambulancë të till me të njëjtat specifika komuna e Mamushës e ka blerë me 30 mijë euro.