Podujeva bëhet edhe me një çerdhe të re

Sot me ceremoni solemne është bërë përurimi i çerdhes së re në qytetin e Podujevës, në ceremoninë e hapjes së çerdhes kanë marrë pjesë kryetari i Komunës, Shpejtim Bulliqi, drejtori i Arsimit, Avni Fetahu, personeli i çerdhes, fëmijë dhe prindër, njofton zyra për informim, transmeton PodujevaPRESS.net

“Si qeverisje komunale nga kursimet kemi ndarë mbi 100 mijë euro për ta renovuar dhe funksionalizuar këtë objekt të lënë pas dore për kohë të gjatë. Kjo hapësirë e bukur dhe moderne po hapet pranë shkollës teknike në Podujevë për fëmijët e kësaj zone” tha kryetari Bulliqi.

Çerdhja e re ka kapacitet t’i pranojë 60 fëmijë, e kryetari Bulliqi gjatë vizitës tha se Komuna e Podujevës do të vazhdojë me investime në hapjen e çerdheve të reja në lokalitete të tjera, duke qenë të vetëdijshëm se sa i rëndësishëm për fëmijët është edukimi i hershëm.