Plagoset me armë zjarri një grua në Podujevë

Mbrëmë pak para mesnatës në rrugën “Hasan Prishtina” në Podujevë, ka ndodhur një rast plagosjeje me armë.

Një grua 58-vjeçare, Sh.Zh., ka marrë plagë dhe është dërguar në QKUK.

Policia e Kosovës ka dal në vendin e ngjarjes dhe në të dhënat e par, dyshohet se ajo është plagosur aksidentalisht në shtëpinë e saj.

Në lidhje me këtë rast janë konfiskuar dy armë zjarri: një revole e tipit Glock, një e tipit Zastava dhe trembëdhjetë fishekë.

Ndërlidhur me rastin janë shoqëruar në stacion policor dy të dyshuar, N.Zh. (62) dhe M.Zh. (23), që dyshohet të jenë implikuar direkt në rastin.

“Hetuesit policor kanë nisur një hetim për sqarimin e të gjitha rrethanave që karakterizojnë rastin përderisa të dyshuarit janë proceduar me tutje për lëndim të rëndë trupor si dhe mbajtje në pronësi, posedim të pa autorizuar të armëve”, thuhet nga Policia e Kosovës.