Përplasje në KQZ për zgjedhjet në Podujevë

Në mbledhjen e sotme të Komisionit Qendror të Zgjedhjeve(KQZ) ka pasur përplasje mes kryetares së këtij Komisioni dhe anëtarit të VV-së lidhur me propozimin e VV-së për rivlerësim të gjendjes epidemiologjike në Podujevë për mbajtjen e zgjedhjeve.

Megjithatë, kërkesa e Alim Ramës, anëtar i KQZ-së nga Lëvizja Vetëvendosj,e nuk ka kaluar në KQZ.

Ai ka kërkuar që të futet si pikë e rendit të ditës rekomandimi drejtuar IKShP-së për rivlerësim të gjendjes epidemiologjike në Podujevë.

Megjithatë, kryetarja e KQZ-së Valdete Daka ka thënë KQZ-ja nuk duhet të marrë asnjë rol ekzekutiv lidhur me këtë për zgjedhjet në Podujevë.

Ajo me zë të lartë i është drejtuar anëtarit Rama ta propozojë këtë çështje për rend të ditës.

Ndaj kësaj deklarate ka reaguar anëtari i KQZ nga VV, Alim Rama.

“Kryetare zërin mos e ngrit. Kërkesa ime është që të futet në rend dite kërkesa drejtuar IKShP-së për rivlerësim të gjendjes epidemiologjike në Podujevë”, tha Rama.

Megjithatë, futja në rend të ditës të kësaj pike nuk mori mbështetjen më shumë se dy vota për, ndërsa të gjithë anëtarët e tjerë ishin kundër që të bëhet një kërkesë në IKSHP për rivlerësimin e gjendjes epidemiologjike në Podujevë.

Në mbledhjen e KQZ-së është miratuar plani i buxhetit të KQZ-së për vitin 2021 në vlerë prej 14 milionë e 337 mijë e 367 euro.