Përleshje mes dy familjesh, detaje të reja për plagosjen në Podujevë

Policia ka bërë të ditur, përmes raportit 24-orësh, se të plagosurit janë dërguar në QKUK, ndërsa edhe dy kalimtarë të rastit janë lënduar.

“Si pasojë e të shtënave me armë zjarri, lëndime trupore ka pësuar i dyshuari mashkull kosovar, i cili vazhdon trajtimin mjekësor në QKUK, pastaj si pasojë e xhamave të thyer lëndime kanë pësuar edhe dy kalimtarë të rastit, viktimat meshkuj kosovarë, të cilëve u është ofruar tretman mjekësor e më pas janë liruar për në shtëpi. Njësitë relevante policore kanë dalë në vendin e ngjarjes, kanë arrestuar dy të dyshuar meshkuj kosovarë, ndërsa edhe dy të dyshuar janë në arrati”, thuhet në raportin e Policisë.

Më tej thuhet se njëri nga të dyshuarit është dërguar në mbajtje, ndërsa tjetri vazhdon trajtimin në QKUK.

“Me vendim të prokurorit, të dyshuarve u caktohet masa e ndalimit, njëri i dyshuar është dërguar në Qendrën e Mbajtjes, ndërsa tjetri vazhdon trajtimin në QKUK, nën sigurimin e Policisë. Rasti vazhdon të hetohet nga njësitet kompetente policore”.