PDK thotë se barrën për dështimin e proceseve e ka kryeministri Mustafa

Deputeti i Partisë Demokratike të Kosovës, Bislim Zogaj, i është përgjigjur deklaratave të zyrtarëve të Lidhjes Demokratike të Kosovës, të cilët thonë se nëse prishet marrëveshja e koalicionit PDK-LDK, atëherë duhet të dorëhiqet edhe presidenti.

Zogaj në emisionin “Fakt Plus”, ka thënë se barrën për dështim të proceseve e ka LDK-ja dhe kryeministri Mustafa, nëse dështon që proceset ti qojë përpara. Ai thotë se në këtë linjë , PDK nuk mund të akuzohet.

Ai thotë se nuk është morale e as etike të kërkohet dorëheqja e presidentit, ngase PDK nuk është fajtore për këto dështime.

Zogaj thotë se nëse nuk kalon marrëveshja për Demarkacionin me Malin e Zi, atëherë vendi duhet të shkojë në zgjedhje të parakohshme.