PDK Podujevë dënon keqpërdorimin e votës qytetare

Dega e Partisë Demokratike të Kosovës në Podujevë ka reaguar lidhur me dyshimet për keqpërdorim të votës qytetare, duke theksuar se vota është e shenjtë dhe nuk guxon të manipulohet.

Në një postim publik, PDK Podujevë shpreh dënimin e çdo forme të abuzimit me vullnetin e qytetarëve dhe kërkon nga organet kompetente që të ndërmarrin masa konkrete ndaj personave përgjegjës.

“Sundimi i ligjit dhe respektimi i votës janë themel i demokracisë. Çdo shkelje e këtij parimi dëmton besimin e qytetarëve në proceset zgjedhore”, thuhet në reagim.