PDK në Podujevë e përmbyll fushatën zgjedhore me kandidatin Isak Shabani

Partia Demokratike e Kosovës (PDK) në Podujevë do të përmbyll fushatën zgjedhore këtë të shtunë, më 4 tetor 2025, duke prezantuar vizionin dhe programin e saj për qeverisjen lokale.

Ngjarja do të mbahet nga ora 14:00 në restorantin Artela në Podujevë, ku pritet të marrë pjesë edhe kryetari i PDK-së, Memli Krasniqi, i cili do t’u drejtohet qytetarëve llapjanë me një fjalë rasti.

Kandidati për kryetar të komunës, Isak Shabani, do të mbyllë zyrtarisht fushatën duke shpalosur prioritetet e tij dhe duke falënderuar aktivistët, përkrahësit dhe qytetarët për angazhimin dhe mbështetjen e treguar gjatë gjithë periudhës zgjedhore.

PDK fton të gjithë aktivistët, simpatizantët dhe qytetarët e Podujevës të marrin pjesë në këtë ngjarje përmbyllëse.