PDK e gatshme për seancë në ora 09:00, por ka një kusht për LDK-në

Partia Demokratike e Kosovës po shprehet e gatshme qe seanca për demarkacionin të mbahet para asaj për mocionin.

Burime të ‘Indeksonline’, brenda këtij subjekti bëjnë me dije se PDK po kërkon qe seanca për demarkacionin të mbahet para asaj për mocionin, e cila është paraparë të fillojë nga ora 10:00.

Por, PDK po kërkon nga partneri i saj në qeverisje, LDK nënshkrimet e 33 deputetëve të këtij subjekti në mënyre qe të procedohet tutje me demarkacionin.

Kreu i PDK-së, Kadri Veseli në një bisedë telefonike me zyrtarin amerikan Hoyt Yee është zotuar se demarkacioni do të procedohet para mocionit.

Në anën tjetër, LDK po insiston qe procedimi i demarkacionit në Kuvend të ndodhë pas seancës ku do të votohet mocioni i opozitës për mosbesim të Qeverisë Mustafa./Indeksonline/