PDK akuzon qeverisjen e komunës së Podujevës për gjendjen në arsim!

Qendër e Punës Sociale konsiderohet se është shndërruar arsimi në Komunën e Podujevës, shkruan sot Koha Ditore.

Këshilltari i PDK-së, Flakron Gashi, duke iu referuar një strategjie për zhvillim ekonomik lokal, ka thënë se më shumë se 500 mësimdhënës me shkollim të mesëm e fillor “u kanë dhënë dije” nxënësve të shkollave të Podujevës. Për shkak të kësaj gjendjeje, sipas tij, rezultati i nxënësve në 3 shkolla të mesme asnjëherë nuk arrin 2.5 si notë mesatare.

Në seancën e kaluar kam bërë një deklaratë publike. Unë kam thënë kështu: Ndër vite në komunën e Podujevës përderisa është qeverisur nga LDK-ja në arsimin fillor dhe fillor dhe të mesëm kanë punuar qindra mësimdhënës të pakualifikuar. Reagimi i nënkryetarit Nexhmi Rudari dhe drejtor i arsimit i asaj kohe  ishte se ‘ndoshta bëhet fjalë për punëtorë teknik dhe pë ata nuk duhet kualifikim shtesë”, ka thënë Gashi.

Sipas tij, bazuar në strategjinë komunale, 458 mësimdhënës kanë qenë me kualifikim të mesëm dhe 95 me kualifikim fillor.

“Kështu në mandatin e kaluar bazuar në këtë dokument zyrtar dhe publik në Komunën e Podujevës kanë punuar 553 mësimdhënës të pakualifikuar. Jam shumë I bindur se çdo qytetar ka nevojë për një pagë lineare, mirëpo realizimi I një të drejte duke shkelur të drejtën e tjetrit përkon në vete precedent penal dhe për këtë përgjegjës janë zyrtarët komunal të arsimit dhe qeverisja komunale e e udhëhequr nga LDK-ja e Podujevës që ka lejuar këtë gjenjde të mjerueshme”, është shprehur këshilltari i PDK-së.

Zëdhënësi i Komunës së Podujevës, Nazmi Elezi, ka thënë se nuk bëhet fjalë për mësimdhënës, por për staf teknik të shkollave.

“Në mbledhjen e fundit të KK të Podujevës këshilltari Flakron Gashi, duke iu referuar Strategjisë së zhvillimit ekonomik lokal të komunës së Podujevës për periudhën 2011-2014 të miratuar në KK të Podujevës, spekulon dhe plason të pavërteta. Këshilltari nga radhët e PDk-së përpiqet të manipulojë kuvendin e mbase  edhe opinionin duke u shërbyer me shtrembërim të shifrave të publikuara në Strategjinë e zhvillimit ekonomik lokal 2011-2014, ka thënë Nazmi Elezi

Shkrimin e plot mund ta gjeni numrin e sotit të gazetës Koha Ditore.