Pas shumë viteve më në fund vendoset të rregullohet objekti i destinuar për çerdhe në Podujevë

Në seancën e Kuvendit Komunal, ka kaluar pika e rendit të ditës për ndërtimin e çerdhes në qytet, ky projekt do të kushtojë 100 mijë euro dhe si i tillë është i mirëseardhur duke e parë nevojën për ndërtimin e këtij objekti, kështu ka shkruar kryetari i komunës së Podujevës Shpejtim Bulliqi, transmeton PodujevaPRESS.net

Arsim parafillor dhe çerdhe – Ndërtimi i objektit të çerdhes në qytet afër shkollës “Fan S. Noli”, në vlerë prej 100,000 euro, kështu e ka prezentuar para asambleistëve Drejtori i Drejtorisë për Buxhet dhe Financa, Fatlum Osmani.

Këtë propozim e kanë përkrahur asambleistët.

Kujtojmë se për këtë objekt është shkruar shumë në media si dhe ka pas akuza të shumëta gjatë fushatave zgjedhore pse nuk po rregullohet ky objekt.