Pas raportimeve të PodujevaPRESS se Tregu i Gjelbërt po shkatërrohet, Komuna merr masa

Tregu i gjelbër i Podujevës po shkatrrohet, shitësit në rrugë, ishte ky titulli që para disa ditëve portal PodujevaPRESS kishte bërë një lajm, i cili ka bërë që sot Komuna e Podujevës të ndërrmarr masa të menjëhershme duke pastruar tregun si dhe duke mos lënë veturat të parkohen brenda.

Në njoftimin e Komunës thuhet se ” me qëllim të krijimit të kushteve të favorshme për zhvillimin e veprimtarisë së tyre për shitësit e pemëve, perimeve dhe produkteve të bylmetit, komuna e Podujevës ka ndërmarrë veprimet e nevojshme për pastrimin dhe rregullimin e hapësirave në tregun e gjelbër.

Në hapësirat e tregut do të vendosen shitësit ambulantë dhe në këtë mënyrë do të largohen pengesat e qarkullimit në ato rrugë që shfaqen si pasojë e vendosjes së produkteve në trotuare.

Për zbatimin e suksesshëm të këtij procesi, do të ketë koordinim mes Drejtorisë së Planifikimit dhe Zhvillmit Ekonomik (DPZHE), Drejtorisë së Shërbimeve Publike, Mbrojtje dhe Shpëtim (DSHPMSH) dhe Drejtorisë së Inspeksionit (DI)”, përfundon njoftimi.

Ani se ishte përuruar qysh më 2017, ky treg asnjëherë nuk e ka ushtruar funksionin e synuar. Aty rrallëherë ndonjë tregtar shet pemë a perime. Shumica e tyre produktet i vendosin për shitje nëpër trotuare jashtë rrethojave të tij.

Komuna para një viti kishte premtuar se gjatë vitit të shkuar, pas skanimit të gjendjes në treg, do t’i bëjë investimet e nevojshme për funksionalizimin e tregut.

Por premtimi ende nuk është jetësuar.

Edhe tani afati i fundit ishte data 5 maj kur shitësit duhet të vendoseshin brenda tregu por si duket ende nuk ka anjë veprim konkret nga ana e Komunës së Podujevës, ndërsa tregu është drejt shkatërrimit.