Pas presioneve Komuna e Podujevës e kthen në pikën zero konkursin ku daja intervistojë mbesën

Komuna e Podujevës konkretisht zyra e personelit ka anuluar konkursit pranim të dates 09.06.2022, njofton PodujevaPRESS.net

Në njoftim thuhet se duke u bazuar në vendimin e Komisionit të ankesave për nënpunësit e Shërbimit Publik të dates 07.09.2022 anulohet konkursi për positen Doktor i Stomatologjisë.

Kujtojmë se Blerta Latifi ishte punësuar stomatologe në Qendrën Kryesore të Mjekësisë Familjare të Podujevës përmes një procedure të dyshimtë të rekrutimit.

Latifi ka arritur të marrë 94.5 pikë nga komisioni vlerësues, pjesë e të cilit ishte familjari i saj, Gëzim Thaçi.

Përvec Thaçit, në komisioni vlerësues ishin edhe: Bajram Bajgora – kryetar,  Adelina Stublla- anëtare, Elfete Salihu – anëtare dhe Jehona Havolli – anëtare.

Burime të KALLXO.com kanë thënë se anëtari i komisionit vlerësues, Gëzim Thaçi dhe kandidatja e përzgjedhur Blerta Latifi janë dajë e mbesë, por një gjë të tillë nuk e kanë deklaruar asnjëri para procesit të testimit dhe intervistimit të kandidatëve.