Pas kërkesës së Kuçit për dorëheqje, AAK befason me reagimin

Pas kërkesës së deputetit të AAK’së për dorëheqje nga pozita e deputetit të Kuvendit, ka reaguar vetë partia së cilës i takon, AAK, transmeton Gazeta Metro.

Për express, deputeti i kësaj partie Muharrem Nitaj, ka bërë të ditur se kërkesa për dorëheqje nga ana e deputetit të AAK, Blerim Kuçi, nuk do të pranohet. Nitaj ka thënë se kërkesa ende nuk është shqyrtuar por e di saktë se kjo kërkesë nuk do të pranohet, ngase deputeti Kuçi nuk ka asnjë obligim politik e moral për t’u dorëhequr.

”Ne nuk e kemi shqyrtuar kërkesën e deputetit Kuçi ende, por e di saktë se ajo nuk do te pranohet. Kuqi nuk ka asnjë obligim as moral ad politik qe te japë dorëheqje nga posti i deputetit, sepse edhe ai edhe partia qe i tako , i kane përmbushur krejt obligimet për liberalizimin e vizave. BE ndoshta do te reflektojë me disa muaj vonese.  Kërkesa e deputetit Kuçi do të refuzohet”, ka thënë Nitaj.

Pak më herët u dha lajmi se deputeti Kuçi kishte paraqitur kërkesën për dorëheqje te Grupi Parlamentar i AAK’së. Në vitin që shkoi ai ishte zotuar do të dorëhiqet nëse liberalizimi i vizave nuk ndodh gjatë vitit 2018. /