Pas dy vitesh Fatmir Sejdiu e konfirmon lajmin e PodujevaPRESS-it. Pengesa ishte Shpejtim Bulliqi

Kryetari i LDK-së në Podujevë i cili është edhe kryetar komune pak para zgjedhjeve lokale të vitit 2017 dukej se i kishte rregulluar raportet me ish Presidentin Fatmir Sejdiu dhe po tentohej që edhe ish deputetin e kësaj partie Shpejtim Bulliqin tani deputet i VV-së të pajtohej për siç thuhej planin për kthimin e llapianëve në krye të LDK-së, sipas Agim Veliut, njoftonin burimet e asaj kohe të portalit PodujevaPRESS.com

E këtë “plan” po e diskutonte Agim Veliu i cili hallin e kishte si të rizgjedhej kryetar komune edhe për një mandat 4 vjeçar. E pas një ftohje të gjatë të raporteve me ish-Presidentin Sejdiu, Veliu kishte arritur të bënte një pakt me ish presidentin me kushtin që ky mos të punonte kundër Agim Veliut në Llap dhe ta ndihmonte atë.

Këtë e konfirmojë mbrëm vetë Fatmir Sejdiu në një studio televizive kur tha: ”në zgjedhjet lokale 2017 unë e kam mbështet Agim Veliut që të ketë fitore dhe ai ka fitu dhe ka qenë një marrëveshje reale që kemi pas për më vonë dhe ai e ka harru atë”.

Sejdiu e akuzojë Agim Veliun për tradhëti.

https://podujevapress.com/fatmir-sejdiu-ja-si-u-tradhetova-nga-vjosa-osmani-e-agim-veliu/

Por ja çfarë thonin burimet tona brenda LDK-së në Podujevë:

Kryetari i LDK-së në Podujevë, njëherit edhe kryetar i komunës siç duket në zgjedhjet e fundit lokale i ka shfrytëzuar të gjitha kartat sheshazi, garë kjo e cila zbuloi se cila ishte mënyra e tij për të mposhtur të gjitha partitë. Ky fakt Veliun nuk e po e lenë të qetë, andaj nuk dëshiron që të ketë thyerje dhe kundërshtime në bazën e tij, ngase ambiciet e tij janë të qarta, nga nënkryetar, pozitë që mban tani në nivel qëndror, të ngritet në krye të LDK-së.

Kohën e e fundit shihet që raportet e shumë përfolura me z. Fatmir Sejdiu i ka relaksur, dhe pengesë mbetet Shpejtim Bulliqi i cili gëzon po ashtu autoritet në strukturat e LDK-së, madje edhe te një pjesë e elektiratit të VV-së.

Raportet e këtyre dy figurave të fuqishme të LDK-së në Podujevë ishin ftohur pas zgjedhjeve qëndrore të mbajtura në qershor të v.2014, ku z.Bulliqi e kishte zbuluar tendencën e zotit Veliu për ta penguar për tu bërë deputet. “Lufta” e vërtet e këtyre dy personave kishte filluar kur Shpejtim Bulliqi kishte shfaqur ambiciet për ti hyrë garës për kryetar komune të Podujevës, për çka nuk kishte pranuar kryetari i degës Agim Veliu.

Si shenjë presioni dhe “hakmarrje”, zoti Bulliqi kishte filluar kundërshtimin e marrëveshjes për demarkacion me Malin e Zi, ku kishte gjetur edhe përkrahjen e opozitës, e sidomos të AAK-së dhe liderit të saj Ramush Haradinaj. Kjo edhe solli rrëzimin e qeverisë Mustafa.

E për këto inate Veliu nuk e kishte lejuar Bulliqin të kandidonte për deputet nga lista e LDK-së.

Pikërisht për mos përfshirjen në listën kandiduese Shpejtim Bulliqi në maj të 2017-tës kishte thënë se: “nga lista për deputetë janë larguar shumë kandidatë, dhe se largimi ka qenë selektiv. Sipas Bulliqit, ky veprim është bërë pasi që shumë anëtarë të LDK-së kishin kundërshtuar disa çështje jetike për vendin dhe integritetin e saj”.

Por reagimi i Agim Veliut ishte i menjëhershëm në atë kohë, ku kishte thënë se: “dega e komunës në Podujevë i është nënshtruar një procesi të hapur të identifikimit të kandidatëve. Sipas Veliut, 20 anëtarët e kryesisë nuk e kanë parë të arsyeshme të propozojnë Bulliqin si kandidat për deputetë”.

Madje, Veliu kishte ironizuar duke thënë se Bulliqi e ka pasur mundësinë të propozojë edhe vetën, porse nuk e ka bërë një gjë të tillë.

Ky është lajmi i publikuar atë kohë nga portali PodujevaPRESS.com:

https://podujevapress.com/relaksohen-raportet-mes-agim-veliut-e-shpejtim-bulliqit-kjo-eshte-oferta-e-veliut-per-te/

Mirëpo tani raportet e këtyre si duket janë afër duke u relaksuar. Kështu thonë burimet e Portalit PodujevaPRESS brenda Lidhjes Demokratike të Kosovës dega në Podujevë. Burimi ynë i afërt me udhëheqjen e kësaj dege ka treguar se Agim Veliu i ka ofruar pozitën e Drejtorit të Arsimit në Podujevë, me arsyetimin se është me Ushtrues Detyre dhe se Bulliqi ka përvojë, pasi që më herët ka qenë drejtor i po kësaj drejtorie.

Por përgjigjja e Shpejtim Bulliqit si duket nuk i ka pëlqyer z.Veliu, pasi që ai ka kërkuar pozitën e nënkryetarit të komunës në Podujevë dhe të drejtën e kandidimit për kryetar komune në vitin 2021 nga LDK. Burimet tona tregojnë se Agim Veliu nuk e ka pranuar këtë kërkesë, sidomos këtë të kandidimit për kryetar komune, pasi që ai (Veliu) dëshiron që njërin nga dy persona të besuar (emra të njohur për redaksinë tonë), tu jap të drejtën e garimit për të parin e Podujevës.

Burimet tona kanë treguar se gjasat më të mëdha janë që në fundvitë apo fillim të vitit të ardhshëm Veliu ta bëjë rrokadën mes Nexhmi Rudarit duke e kthyer drejtor Arsimi dhe Shpejtim Bulliqin nënkryetar, nëse do ta pranonte ky i fundit këtë pozitë. /PodujevaPRESS.com/