Parashikojnë meterologët: Javën e ardhshme temperatura pranverore, deri në 20 gradë |Tabela

Gjatë javës së ardhshme në vendin tonë pritet të mbajë mot tipik pranveror. Temperaturat maksimale do të shkojnë deri në 20 gradë, transmeton Gazeta Metro.

Pas kalimit të frontit të ftohtë në fundjavë, gjatë javës në vijim masa të ngrohta ajrore nga Mesdheu do të fillojnë të shtrihen mbi rajon duke sjellur mot tipik pranveror dhe rritje të temperaturave, që deri ditën e enjte dhe të premte do të arrijnë deri në 19C, e në Dukagjin me mundësi edhe deri në 20C.

Parashikimi i detajuar:

4.03 – Më butë, kryesisht me diell. Në mëngjes ngrica.

5.03 – Butë, vransira dhe intervale me diell. Pasdite vonë dhe në mbrëmje kryesisht me vransira, mundësi për riga lokale shiu.

6.03 – Butë, pjesërisht vranët, me intervale më të gjata me diell. Në mëngjes në vise të ulëta mundësi për mjegull.

7.03-8.03 – Më ngrohtë, kryesisht me diell dhe vransira të nivelit të lartë.