Parashikimi i motit për sot dhe 4 ditët e ardhshme në Podujevë

Fundjava me mot të nxehtë, mundësi për reshje lokale shiu.

Në fundjavë dhe të hënën temperaturat maksimale do të rriten deri në 35C, vende-vende në Dukagjin edhe deri në 36C, ndërsa minimalet do të sillen nga 15C deri në 17C. Nga mesi i javës së ardhshme maksimale do të zbresin deri në 25C.

Fushat e presionit të lartë mbi rajonin tonë kanë filluar të dobësohen, derisa nga Afrika veriore, vapa afrikane do të filloj të shtrihet mbi vend.

Në këtë fundjavë parashihet të mbajë mot i nxehtë dhe kryesisht me diell. Të shtunën në orët e pasdites priten edhe mundësi për reshje lokale shiu me bubullimë.

Sipas Prishtina Weather të hënën do të vazhdojë të mbajë mot i nxehtë dhe pjesërisht i vranët, ndërsa nga Europa qëndrore fusha jostabile të ulëta barike do të fillojnë depërtojnë mbi rajon duke sjellur rënie të temperaturave dhe mundësi për të reshura lokale shiu të martën dhe mërkurën.