Paralajmërimi i ‘frikshëm’ i Isa Mustafës për Albin Kurtin: S’ka koalicion nëse se marrim presidentin
Kryetari i Lidhjes Demokratike të Kosovës (LDK), Isa Mustafa, e ka bërë të qartë se nëse si takon posti i presidentit, atëherë nuk do të ketë koalicion me Lëvizjen Vetëvendosje, të Albin Kurtit, shkruan Gazeta Blic.
Në një konferencë për media, Mustafa tha se LDK nuk do të futet në koalicion me LVV-në, nëse se merr postin e presidentit.
“Nuk do të ketë koalicion nëse se marrim postin e presidentit”, tha ndër të tjera kryetari i LDK-së, Isa Mustafa.
Mustafa, pas takimit me mbledhjen e Këshillit të LDK-së tha se LDK i ka ofruar VV-së një ministri në këmbim të postit të presidentit që t’i takoj ky post LDK-së, shkruan GazetaBlic.Mustafa tha se VV nuk e ka pranuar një propozim të tillë.
“Ne kemi dhënë një propozim në takimin e fundit si ta kapërcejmë këtë, nuk kam parë gatishmëri të VV-së aty për aty ta bëjnë këtë, nëse ata na japin presidentin ne do të ua japim një ministri, por ata nuk kanë dhënë përgjigje pozitive”, tha ai.
Mustafa nuk e pohoi se do të lëshoj pe nga MPB në rast se VV pranon ta jap presidentin, por pasi të bëhet kjo do të vendosë LDK.
“Ne nuk flasim për ministri konkrete, por në momentin që do zgjidhej presidenti nga LDK, atëherë do të ulemi dhe të bisedojmë”, tha ai.
“Do të japim emrin e kandidatit për president në moment që fillon procedura e zgjedhjes së presidentit, nuk rezervojmë pozita për emër të caktuar por vetëm ta kemi mirëbesimin në mes dy partnerëve të koalicionit”, shtoi ai.
