Pamjet drithëruese që kanë bërë historinë

Nga një nënë që vajton fëmijët e saj pas një tërmeti tek një i burgosur që përqafon fëmijën me kokën e mbuluar, e deri te murgu që i vë zjarrin vetes ose fëmija afrikan që është në prag vdekjeje nga uria.

Këto e të tjera janë disa nga fotografitë që flasin shumë me imazhin e tyre tronditës, duke lënë shenjë të pashlyer në histori.

Fotoja e parë është e Frank Fournier e vitit 1985 në Tolima, Kolumbi dhe është me një histori të pabesueshme nga pas.
13-vjeçarja Omayra Sanchez mbeti e bllokuar nën rrënojat e shkaktuara nga shpërthimi i një vullkani.
Këmbët e saj kishin ngecur në një strukturë metalike dhe ishte e pamundur nxjerrja e saj pa ia prerë këmbët, por grupet e shpëtimit nuk kishin mundësi t’ia ndalonin gjakderdhjen dhe kështu ajo do të vdiste gjithsesi dhe u la aty e paprekur.

Pas disa orësh në këtë pozicion që shikoni më poshtë, e vogla nisi të kishte halucinacione, të cilat i shprehte me vargje këngësh, duke bërtitur se ishte vonë për në shkollë, për provimin e matematikës…dhe pas 60 orësh në këtë makth 13-vjeçarja Omayra Sanchez ndërroi jetë.

Kjo foto u bë simbol i protestave në mbarë Kolumbinë, ku me imazhin e 13-vjeçares qytetarët akuzonin qeverinë për paaftësi në rast fatkeqësish natyrore.