Vdes mamia llapjane Sanije Topanica, iu ndihmoi grave në lindje gjatë luftës
Pacolli solidarizohet me Francën pas sulmit në Marsejë
Zëvendëskryeministri i Parë i Kosovës, njëherësh ministër i Jashtëm i vendit, Behgjet Pacolli, ka dënuar sulmin e sotëm me thikë në stacionin qendror të trenit, në Marsejë të Francës.
Dy gra janë vrarë dhe disa persona të tjerë janë plagosur gjatë sulmit, kanë bërë të ditur autoritetet franceze.
“Jam vërtetë i trishtuar nga sulmi barbar, që ndodhi sot në stacionin qëndror të trenit në qytetin Marseille të Francës, ku sipas raportimeve mbeten të vrara dy gra dhe disa persona të tjerë u plagosën”, ka thënë Pacolli.
“Akte të tillë të ulëta dhe barbare nuk janë vetëm kundër vlerave demorkatike, por, kundër çdo vlere njerëzore”, është shprehur kryediplomati kosovar.
“Familjeve dhe të afërmëve të viktimave i shprehim ngushëllimet më të sinqerta, ndërsa të plagosurve shërim sa më të shpejtë. Institucionet dhe populli i Kosovës qëndrojnë krah për krah me Institucionet dhe popullin francez në këto momente pikëllimi”, ka thënë Pacolli./Express/
