OVL-UÇK në Podujevë ofron mbrojtje juridike falas për veteranët dhe familjet e dëshmorëve mbi 65 vjeç

Kryetari i Organizatës së Veteranëve të Luftës së UÇK-së në Podujevë, Rafet Llapashtica, ka bërë të ditur se dega e kësaj organizate ka ndërmarrë një nismë të re në mbështetje të kategorive të dala nga lufta.

Sipas njoftimit, OVL-UÇK në Podujevë ka angazhuar dy avokatë mbrojtës, të cilët do të ofrojnë mbrojtje juridike falas për:

veteranët e luftës dhe

familjet e dëshmorëve, të cilët kanë mbushur moshën 65 vjeç.

Kjo nismë synon realizimin e të drejtës ligjore për përfitimin e pensjoneve të dyfishta, të garantuara me ligj për këto kategori, përmes procedurave gjyqësore.

Bëhet e ditur se për familjet e dëshmorëve procesi tashmë ka filluar, ndërsa veteranët mund të plotësojnë autorizimet në selinë e degës së OVL-UÇK-së në Podujevë, duke filluar nga data 27 prill 2026.

Për informata shtesë dhe sqarime, të interesuarit mund të kontaktojnë në numrin e telefonit: 044-406-409.