OPINION: PDK në Podujevë nuk duhet të pranojë marrëveshje të fshehtë, por vetëm publike

Fushata për raundin e dyte të zgjedhjeve lokale për Podujevë.

Shkruan: Behram Behluli

Vetëvendosje dhe Lidhja Demokratike e Kosovës po i thonë PDK-së në Podujevë,  me ju me ba koalicion publikisht po humbim vota ,ama s’kemi kokërr marrje me u marre vesh me ju, tinëz e mos me ditë askush.

Këto ditë kandidatët për kryetar komune të Podujevës kanë filluar me të madhe të marrin në kontakt personalitete të ndryshme.

Është e kuptueshme se kandidatet për kryetar komune kanë nevojë për vota sepse vota ju mundëson fitoren, mirëpo kërkesa për ndihmë duhet shtruar njerëzisht.

Të dy këto subjekte po punojnë me peshku individ të caktuar nga radhët e PDK-së, duke u deklarua se me ju si subjekt s’mund të bëjmë koalicion publik e me nda pushtet, marrëveshjen me juve po e bëjmë, ama  të fshehtë se po tutemi se po i humbim zgjedhjet.

Kjo është dyfytyrësi, shkurt e shqip ata po thonë, me juve po na vjen marre me ba koalicion publikisht ama s’kemi kokërr marrje me u marrë vesh me juve, tinëz e mos me ditë askush.

PDK-si subjekt politik në asnjë mënyrë nuk duhet të pranoj marrëveshje të fshehtë me askënd ,nëse dikush nga anëtarët e PDK-së dëshiron të votoj ndonjërin kandidat atë mund ta beje pa problem.

Nëse dikush nga anëtarët e PDK-së lobon për ndonjërin nga kandidat është në rregull, është e drejte e secilit me votu e me ndihmu në bazë të bindjeve.

Ama subjekti me u nënshtru para lakmisë se tugjarëve politik e atyre që e nënçmojnë, është fyerje, është mjerim e nënshtrim që si ka hije askujt në këtë vend, këto lloj marrëveshjesh e kanë dëmtuar PDK- në të kaluarën, tani ka mundësi me fundosë përfunimisht!