Objekti i ri i Kuvendit Komunal nuk përfundohet në afatin kohor (Foto)

Objekti i ri i Kuvendit Komunal të Podujevës i cili ishte donacion i Bashkimit Evropian dhe i menaxhuar nga Zyra e Bashkimit Evropian në Kosovë nuk është përfunduar në afatin e paraparë kohor.

Punimet kanë filluar  me datë 23 dhjetor 2015 dhe ishin paraparë të përfundojnë mbrenda  1 viti, datë 23 dhjetor 2016. Ndërsa jemi në muajin shkurt 2017 objekti në fjalë ende nuk është përfunduar dhe numri i punëtorëve që vërehen në intervale të rralla është i vogël.

Në tabelen njoftuese bëhet  e ditur se kompania e kontraktuar është ALBA Konstruksion Sh.P.K, ndërsa mbikqyrëse e zbatimit të punimeve AECOM INOCSA S.L.U.

Burime te PodujevaPRESS bëjnë me dije se objekti në fjalë është nisur të ndërtohet  para 4 vitesh, por si pasojë e shmnagjes nga projekti fillestar, zyrtarë të Bashkimit Evropian  kanë intervenuar që të ndërprehen punimet deri në një kohe kur edhe te merret vendim se si të veprohet tutje./PodujevaPRESS/