Nuk arrihet marrëveshje për çmimin e mjedrës

Shoqata Nacionale e mjedrave ‘Mjedra e Kosovës’ njofton se dje kishte një takim me pikat më të mëdha grumbulluese të mjedrave në Kosovë për të diskutuar rreth çmimit të mjedrës, transmeton PodujevaPRESS.com

Përfaqesuesit e Ministrisë së Bujqësisë edhe pse ishin të ftuar zyrtarisht, nuk ishin prezent. Gjatë takimit maratonik u diskutua shumë rreth çmimit, që në përfundim nuk u arrit marrëveshje. Përfaqësuesit e shoqatave i paraqitën kërkesat e fermerëve për çmimin, kërkesa të cilat nuk u morrën parasysh nga pikat grumbulluese. Shoqata Nacionale e mjedrave dhe pikat grumbulluese do të takohen prapë javën e ardhshme për një mundësi të radhës për të përcaktuar çmimin e mjedrave, thuhet në njoftim. /PodujevaPRESS.com