Njoftim me rëndësi për qytetarët e Komunës së Podujevës, sidomos banorët e fshatrave Batllavë e Orllan

Komuna e Podujevës nëpërmes një njoftimi për publikun kanë treguar se të martën fillon ushtrimi treditor fushor “Skifteri 03”, i Forcës së Sigurisë së Kosovës, transmeton portali PodujevaPRESS.com

Në njoftim thuhet:

Njoftohen qytetarët e Komunës së Podujevës se në periudhën, prej 26 deri më 28 mars, në territorin e Komunës së Podujevës do të mbahet ushtrimi treditor fushor “Skifteri 03”.

Ushtrimi fushor “Skifteri 03”organizohet nga Batalionit i Tretë i FSK-së për Reagim të Shpejtë në bashkëpunim me Komunën e Podujevës.

Ndërsa, lokacioni në të cilën do të mbahet ushtrimi fushor do të jetë në fshatrat Batllavë dhe Orllan. Prandaj, i njoftojmë qytetarët se nuk kanë arsye për ndonjë shqetësim gjatë kohës së mbajtjes së ushtrimit fushor.

Ushtrimi organizohet në ndërveprueshmëri të Batalionit të Tretë me njësi të specializuara të Forcës së Sigurisë së Kosovës, Komunën e Podujevës, Policinë e Kosovës, Agjencinë për Menaxhimin e Emergjencave (AME), Zjarrfikësit, Shërbimet Mjekësore Emergjente (SHME) dhe Kryqin e Kuq, përfundon njoftimi./PodujevaPRESS.com/