Njoftim me rëndësi për nxënësit dhe mësimdhënësit nga Komuna e Podujevës

Komuna e Podujevës ka bërë një njoftim sot pasdite ku ka treguar se të premten fillon viti i ri shkollor, transmeton PodujevaPRESS.net

Sipas njoftimit mësimdhënësit dhe nxënësit luten që të paraqiten në shkollë sipas orareve që i kanë publikuar shkollat në faqet e tyre.

Sipas burimeve të PodujevaPRESS ky njoftim vjen pasi shumica e shkollave të Podujevës në mënyrë të heshtur kanë vendosur që mësimin ta fillojnë ditën e hënë.

Ky është njoftimi i Komunës së Podujevës:

N J O F T I M – Viti i ri shkollor 2023/24 fillon nesër më 1 shtator

Të dashur nxënës, të respektuar prindër, të nderuar mësimdhënës, mësimi për vitin e ri shkollor 2023/24 fillon më datë 01.09.2023, ditë e premte.

Andaj luteni që të paraqiteni në shkollë sipas orareve që i kanë publikuar shkollat në faqet e tyre.

Komuna e Podujevës ju uron vit të mbarë e të suksesshëm!