Njoftim i rëndësishëm, shfuqizohet Rregullorja ku kërkohej vërtetimi për pagesën e tatimit në pronë

Agjencia Kadastrale e Kosovës (AKK) iu informon që është shfuqizuar Rregullorja (QRK) Nr. 07/2021, mbi Pezullimin e Shërbimeve Komunale për Mbledhjen e Detyrimeve të Papaguara të Tatimit në Pronë, thuhet në njoftimin e kësaj agjensie, transmeton PodujevaPRESS.net

Në njoftim thuhet se “Pra, duke filluar nga sot, Zyret Kadastrale Komunale më nuk duhet të kërkojnë vërtetimin për pagesën e tatimit në pronë, për të gjitha shërbimet.

Edhe ky aktivitet është pjesë e punës intensive që AKK-ja po realizon këtë vit me qëllim të thjeshtësimit të procedurave administrative, reformimin ligjor dhe digjitalizimin e shërbimeve.

Kjo çështje ka qenë njëra nga temat e Komitetit për praktika të mira i udhëhequr nga Agjencia Kadastrale dhe i përkrahur nga USAID.

Kujtojmë që para disa muajsh në platformën eKosova janë publikuar edhe mundësitë e aplikimit të qytetarëve për certifikata pronësie, kopje plani dhe koordinata të njësive kadastrale duke ndikuar direkt në rritjen e knaqshmërisë së qytetarëve me shërbimet kadastrale”.