Njihuni me vajzën që ka zbutur një shqiponjë

Një vajzë 14-vjeçare në Mongoli ka arritur famë në tërë botën me zbutjen e një shqiponje, e cila e shoqëron atë kudo.

Me shekuj në Mongoli meshkujt janë ata që stërviten për këtë lloj të gjuetisë, por vajza 14-vjeçare e quajtur Ashol-Pan u bë e njohur me aftësitë e saj për të zbutur dhe trajnuar shqiponjën.

Ajo është një vajzë e këndshme dhe e turpshme, por shumë e aftë për të stërvitur dhe manipuluar me shqiponjën krahët e së cilës janë dy herë më të mëdha se gjatësia e saj.

Në fund të vitit 2014, Ashol-Pan kishte mposhtur në garën e gjuetisë 40 djem mongolez, në një vend përplot bjeshkë të pafundme dhe shkretëtira, në temperatura ektremisht të ftohta.

Në fillim të vitit 2016 në New York u shfaq premiera botërore e filmit dokumentar “Eagle Huntress”, kushtuar asaj, familjes, dhe shqiponjës Akh-Khanat (Krahët e bardhë), transmeton gazetametro.net

Nëna e saj, Almagul, ka deklaruar se është shumë krenare me vajzën e saj dhe tre fëmijët tjerë, por është e brengosur për famën e madhe që ka fituar ajo – sepse sipas tradisë mongoleze – fama sjellë fatin e keq në jetë.