Njësia Speciale ‘bllokon’ veriun: Dy persona të ndaluar nga policia |PAMJE

Njësia Speciale e Kosovës ka arrestuar sot dy persona të dyshuar për përfshirje në veprimtari kriminale në Mitrovicën e veriut, transmeton Gazeta Metro.

Policia ka arritur që të arrestoj dy persona, ku në shtëpitë e tyre ka kryer kontrolle duke gjetur armë dhe municione të kalibrit të ndryshëm.

Katër pistoleta, një elektroshok, 218 fishekë, një anti-plumb ushtarak dhe dy telefona celular janë konfiskuar nga ana e policisë nga këta dy persona të dyshuar.

Personat e arrestuar me vendim të prokurorit janë dërguar për intervistim, njëri është ndaluar për 48 orë, kurse tjetri është liruar në procedurë të rregullt.

Komunikata e plotë nga Policia e Kosovës:

Policia e Kosovës arreston dy të dyshuar për përfshirje në veprimtari penale

Drejtoria për Hetimin e Trafikimit me Narkotik, Njësia e Mitrovicës-Veri, pas një pune paraprake hetimore, më 14.02.2019, ka zbatuar një urdhër-kontrolli të lëshuar nga Gjykata Themelore-Mitrovicë, e cila ka rezultuar me arrestimin e dy personave të dyshuar: S.H. viti i lindjes 1968, m, k, sh dhe B.H. viti i lindjes 1971 m, k, sh.

Kontrolli policor është realizuar në dy shtëpi banimi dhe lokale përcjellëse të të dyshuarve me ç’rast në cilësi të provave materiale janë konfiskuar armë dhe municion të kalibrit të ndryshëm:

katër pistoleta,një elektroshok,dyqind e tetëmbëdhjetë (218) copë fishekë,këllëf i lëkurës për mbajtje te pistoletës,një anti-plumb ushtarak,dy telefona celular etj.

Me urdhër të prokurorit kompetent, i dyshuari B.H. është ndaluar në mbajtje për 48 orë, kurse i dyshuari S.H. është liruar në procedurë të rregullt.

Në vijim keni vido-linkun e operacionit policor.