Peci dorëzohet para presionit publik: Anulon grantet për këshilltarin e tij dhe
Njësia që vrau Bin Laden po përgatit vrasjen e Kim Jong-un
Njësia elitare ushtarake, US Navy Seal, e cila vrau kryeterroristin Osama bin Laden, po trajnon forcat e Koresë së Jugut për të vrarë diktatorin e Koresë së Veriut, Kim Jong-un.
Sipas “The Sun”, njësia “Seal Team Six”, që u dërgua në Pakistan për të vrarë Bin Ladenin në vitin 2011, po merr pjesë në një stërvitje sekrete me komandot ushtarakë të Koresë së Jugut, me qëllim eliminimin e liderit komunist në rast lufte.
Skuadra speciale e vrasjeve do të formohet në dhjetor.
Mediat e Koresë së Jugut thonë se plani njihet edhe si “Hakmarrja” dhe “Ndëshkimi i Fuqishëm Korean”.
Prej kohësh spekulohet se SHBA dhe Koreja e Jugut mund të ndërmarrin një plan për ekzekutimin e liderit komunist.
Kjo mendohet se do ta parandalojë një luftë në shkallë të gjerë.
Të dielën Koreja e Veriut kreu testin e gjashtë dhe më të fuqishëm bërthamor.
