Një i vdekur në aksident në rrugën Podujevë-Prishtinë
Një aksident me fatalitet ka ndodhur mëngjesin e sotëm, më 18.03.2026, në rrugën Podujevë – Prishtinë, ku ka humbur jetën ngasësi i një motoçiklete.
Aksidenti, ku ka qenë e përfshirë vetëm një motoçikletë, ka ndodhur rreth orës 07:00.
“Si pasojë e aksidentit, ngasësi i motoçikletës nuk ka arritur t’i përballojë plagët dhe i njëjti ka vdekur. Vdekja e viktimës (mashkull) është konstatuar nga ekipi mjekësor në vendin e ngjarjes”, konfirmoi për KALLXO, Flora Ahmeti, zëdhënëse e Policisë për Rajonin e Prishtinës.
Tutje, ajo shtoi se me rastin po merret njësiti i trafikut rajonal, me qëllim zbardhjen e rrethanave të aksidentit.
Bazuar në disa pamje që ka siguruar KALLXO, dyshohet se ngasësi i motoçikletës ka goditur disa gurë të mermerit në afërsi të rrugës.
