Nis takimi i ambasadorit amerikan me LDK’në (Foto)

Pas takimit që kishte me kryeministrin Mustafa dhe nënkryetarët e LDK’së në Qeveri, ambasadori amerikan Greg Delawie sapo është futur në ndërtesën e Kuvendit, ku do të takohet me deputetë të LDK’së.

Ky takim do të mbahet me qëllim të bindjes së disa deputetëve të kësaj partie për të dhënë votën e tyre pro marrëveshjes për demarkacionin me Malin e Zi, shkruan gazetametro.net.

Në takim merr pjesë edhe kryeministri Mustafa, i cili është edhe lider i kësaj partie.

Ndërkohë, njëri nga më të zëshmit kundër Demarkacionit, Shpejtim Bulliqi, e ka parë të panevojshëm presionin e Amerikës.

Ndryshe, dje ambasada amerikanë nxiti Qeverinë që ta procedojë Demarkacionin, por edhe u bëri thirrje deputetëve që ta votojnë këtë marrëveshje./gazetametro/