Ngritet kallëzim penal ndaj vëllait të Rexhep Selimit për sulm ndaj policit

Është ngritur kallëzim ndaj vëllait të deputetit Rexhep Selimi, Ramadan Selimit.

Ramadan Selimi ka sulmuar një zyrtarë policor pasi që ky i fundit kishte qenë në kryerje të detyrës zyrtare.

Kryeprokurori i Prokurorisë Themelore në Prishtinë Imer Beka e ka konfirmuar paraqitjen e kallëzimit penal.

“Është paraqitur kallëzimi penal ndaj të dyshuarit Ramadan Selimi për veprën penale sulm ndaj personit zyrtar gjatë ushtrimit të detyrës zyrtare nga neni 410 dhe veprën penale kanosje nga neni 185 paragrafi 3 të kodit penal të Kosovës”, tha prokurori Beka për Kallxo.com.

Sulmi ndaj policit kishte ndodhur ditën e premte, me c`rast Selimi edhe është shoqëruar në polici.