Nga java e ardhshme puna në institucione publike dhe private vetëm me staf esencial

Në kuadër të masave të reja anti-Covid, Qeveria ka vendosur që ta reduktoj edhe stafin punues ne intistucionet pubike dhe private, shkruan Gazeta Infokus.

Në vendimin e miratuar sot nga kabineti i ministrave thuhet se “nga data 30 gusht deri me datë 12 shtator 2021, në institucionet publike dhe private, obligohet që të paraqitet në punë vetëm stafi esencial, ndërsa stafi jo esencial udhëzohet të punojë nga shtëpia”.

Staf esencial konsiderohen punëtorët prania fizike e të cilëve në vendin e punës është e domosdoshme për kryerjen e detyrave të punës.

Punëdhënësit publik dhe privat obligohen që në bashkëpunim me punëtorët të përcaktojnë stafin esencial.

“Punëdhënësit publik dhe privat udhëzohen të krijojnë kushtet për kryerjen e detyrave të punës nga shtëpia për punëtorët që nuk janë staf esencial për nevojat e punëdhënësit, kur kjo të jetë e mundur”, thuhet në vendimin e Qeverisë.

Me këtë vendim, graté shtatzëna lirohen nga obligimi për t’u paraqitur fizikisht në punë./Gazeta Infokus/