“Të vras”, “E han plumbin” | Çifti e kërcënojnë njëri – tjetrin
![Nga 57 prona të uzurpuara të AKP-së, 25 sosh janë në veri të Mitrovicës](https://podujevapress.net/wp-content/uploads/2017/04/akp.jpg)
Nga 57 prona të uzurpuara të AKP-së, 25 sosh janë në veri të Mitrovicës
Një prej brengave për Agjencinë Kosovare të Privatizimit mbetet uzurpimi i pronave shoqërore.
Nga 600 asete sa kanë qenë në listën e AKP-së, edhe 57 asete mbeten të uzurpuara, kurse 25 prona të uzurpuara janë vetëm në veri të Mitrovicës.
Kështu deklaruan drejtues të AKP-së gjatë shqyrtimit të raportit vjetor të Agjencisë Kosovare të Privatizimit për vitin 2016 në Komisionin Parlamentar për Zhvillim Ekonomik.
Ekrem Hajdari, drejtor ekzekutiv i AKP-së, theksoi se viti 2016 ka qenë i mbarë ngase është rivënë procesi i privatizimit për ndërmarrjet shoqërore, raporton KP.
Ai përmendi edhe Gjykatën e Dhomës së Posaçme se për AK-në është bërë një fyt i ngushtë për moszgjidhjen e lëndëve për konteste pronësore.
Hajdari tha se deri më tash janë transferuar rreth 90 milionë euro në buxhetin e Kosovës, ndërsa është shpërndarë 20 përqindëshi për 11 mijë punëtorë nga 93 ndërmarrje shoqërore në vlerë prej 5.7 milionë euro, ndërsa kanë mbetur peng për 20 për qind shkak i moszgjidhjes së lëndëve nga Dhoma e Posaçme.
Kryetari i këtij Komisioni, Muhamet Mustafa, duke theksuar se procesi i privatizimit ka pasur mjaft telashe dhe parregullsi, por tha se nga viti 2016 bordi i ri ka vu në funksion këtë agjenci dhe ka vlerësuar punën e tyre. Mirëpo, kërkoi që për tokat bujqësore që janë të paprivatizuara, rreth 22 mijë hektarë, të privatizohen me strategji dhe mos të privatizohen me çmim të lirë.