Nesër takim Thaçi – Kurti, ja çfarë pritet të ndodh!
Vazhdojnë të jenë dy figura shumë të ndryshme politike, madje për vite të tëra dy nga kundërshtarët më të mëdhenj politikë në Kosovë, por rrethanat politike e procedurat kushtetuese i detyrojnë që t’ia zgjasin dorën njëri tjetrit.
Kjo pritet të ndodh nesër në një takim mes fituesit të zgjedhjeve të fundit dhe presidentit të vendit.
Albin Kurti dhe Hashim Thaçi nesër pritet t;ia shtrëngojnë dorën njëri tjetrit në një takim konsultativ për propozimin e mandatarit për formimin e qeverisë së re e që në bazë të rezultatit të zgjedhjeve do të mandatohet Albin Kurti, raporton gazeta online veriu.info.
Thaçi në bazë të kushtetutës së Kosovës është i obliguar ta mandatojë kryetarin e Vetëvendosjes si fitues i zgjedhjeve të fundit që u mbajtën më 6 tetor.
Pra pas përballjes disa vjeçare Thaçi do të jetë i detyruar që ta mandatojë njeriun më të votuar ndonjëherë në Kosovë, Albin Kurtin, i cili pas 14 vjet angazhim fitoi zgjedhjet e fundit.
Kujtojmë që VV ende nuk ka arritur marrëveshje për bashkëqeverisje me LDK-në, të cilën e konsideron si partnerin e vetëm për qeverisjen e ardhshme 4 vjeçare.
Veriu.info do t’ju mbajë të informuar për të gjitha detajet.
