Nesër protestë para Burgut të Sigurisë së Lartë në Gërdoc të Podujevës

Banorët e fshatit Gërdovc të Komunës së Podujevës kanë paralajmëruar një protestë për nesër para Burgut të Sigurisë së Lartë.

Organizatorët e kësaj proteste, akuzojnë Komisionin Vlerësues se ka bërë përzgjedhjen e kandidatëve për gardian të burgut në mënyrë të padrejtë. Ata thonë se është dashur të bëhet përzgjedhja edhe e kandidatëve nga po ky fshat, pasi që sipas tyre gjashtë nga 50 kandidatë kanë kaluar të gjitha testet me sukses.

“Të dielen në ora 12:00 do të mbahet protestë kundër padrejtësisë që i është bërë kandidatëve nga fshati Gërdovc për gardian në burgun i cili gjendet në territorin tonë. Kanë aplikuar më shumë se 50 persona nga Gërdovci ku 6 prej tyre janë që kanë kaluar të gjitha testet me sukses dhe nga padrejtësia e bërë nga ana e komisionit vlerësues si dhe nga persiona të caktuar sepse kanë futur kandidatë jo meritorë. Duhet të kundërshtojmë në mënyrë të organizuar duke dalë tek hymja e burgut dhe ta bllokojmë me të drejtën tonë si qytetarë të barabartë”, thuhet në njoftimin e tyre.

Më poshtë mund ta shihni njoftimin e plotë i cili është publikuar në faqe të këtij fshati në rrjetin shoqëror “Facebook”