“Nëse m’vjen Policia te shpija, kom me ta kallë kerrin”/ Burri i hyn dru rojës së pyllit dhe e kërcënon

Prerja ilegale e pyjeve është një dukuri e shpeshtë në Kosovë. Persona të ndryshëm kapen në flagrancë nga zyrtarët e pylltarisë duke prerë dru në pyje. Një rast i tillë ka ndodhur dje në Topillë të Shtimes, raporton Gazeta Sinjali.

Sinjali mëson se një burrë dyshohet se ka sulmuar me dru rojën e pyllit dhe të njëjtin e ka kërcënuar seriozisht.

50-vjeçari dyshohet se e ka kërcënuar viktimën se do ia djegë veturën nëse rasti denoncohet në Polici dhe i njëjti gjobitet për prerjen e druve.

Përballë kësaj situate, viktima është detyruar që rastin ta denoncojë në Polici, të cilët kanë arritur që të arrestojnë personin e dyshuar.

50-vjeçari u shoqërua në stacion policor për intervistim dhe ndaj tij është iniciuar rasti ‘Sulm ndaj personit zyrtar’ dhe ‘Kanosje’.

Me urdhër të prokurorit, i dyshuari është dërguar në mbajtje për 48 orë.