Nënshkruhet marrëveshja për Projektin e trajtimit të ujërave të zeza në Komunën e Podujevës (Foto)

Nënshkruhet marrëveshja për Projektin e trajtimit të ujërave të zeza në Komunën e Podujevës, transmeton PodujevaPRESS.com

Marrëveshja u nënshkrua nga ministri i Financave Bedri Hamza dhe drejtoresha për Eksport në UniCredit Bank Austria AG Sabina Eder. Ndërsa, në ceremoni mori pjesë edhe ambasadori i Austrisë në Kosovë Gernot Pfandler.

Me këtë rast vlerësova lartë ndihmën dhe bashkëpunimin e Qeverisë dhe popullit austriak për ta realizuar këtë projekt dhe gjithashtu përshëndeta kontributin e Ministrit Hamza për të finalizuar nënshkrimin e kësaj marrëveshje, ka shkruar Agim Veliu në facebook.

Ai ka thënë se ky është një ndër projektet më të mëdha që do të realizohen në Podujevë, sepse me ndërtimin e kolektorit kryesor do të zgjidhet çështja e trajtimit të ujërave të zeza.
Tash ka mbetur vetëm edhe një hap për jetësimin e kësaj marrëveshje, votimi i saj në Kuvendin e Republikës së Kosovës.